मृत्युको मुखबाट फर्किएँ, कोरोनालाई ‘अन्डर स्टिमेट’ नगरौं  : डा. कार्की

काठमाडौं । नेपालमा उपलब्ध सबै किसिमका उपचार विधि प्रयोग गरेर बाँचेका एकजना डाक्टरले कोभिड-१९ लाई कमजोर नआँक्न आग्रह गरेका छन् । कोरोना संक्रमणपछि भेन्टिलेटरमा समेत पुगेका विराट मेडिकल कलेजका सञ्‍चालक डा. ज्ञानेन्द्र मान सिंह कार्कीले आफूले पुनर्जीवन नै पाएको बताएका हुन् ।

स्वास्थ्य तथा जनसंख्या मन्त्रालयको नियमित प्रेस ब्रिफिङमा आइतवार उपस्थित भएका डाक्टर कार्कीले पटक पटक कोभिड-१९ लाई कमजोर नआँक्न चेतावनी दिए। ‘कोभिड-१९ लाई ‘अन्डर स्टिमेट’ नगरौँ। घरमा बेसार पानी खाएर ठीक हुन्छ भन्‍ने भ्रम हो।

यस्ता कुराले सरकारको प्रयासलाई धमिल्याउन खोजेको छ’, उनले भने, ‘झुक्किएर पनि कोभिडलाई ‘अन्डर इस्टिमेट’ नगरौँ। यसबाट डराइ हाल्नुपर्ने अवस्था नरहला । तर यसलाई ‘अन्डर स्टिमेट’ गर्नु भयंकर भूल हुनेछ।’ कोरोनाबाट गम्भीर बिरामी परेका डाक्टर कार्कीलाई प्लाज्मा थेरापी विधिबाट गरिएको उपचारले मात्रै निको नभएपछि त्रिवि शिक्षण अस्पतालमा रेमिडिसिभर औषधि पनि चलाइएको थियो।

डाक्टर कार्कीले युवा उमेरकालाई कोरोनाले असर गर्दैन भन्‍नु कुरा पनि गलत रहेको बताए। ‘जवानलाई कोभिडले खासै असर गर्दैन भन्‍ने भ्रम छ। तर म भन्छु, साँढे जस्तो भएर बजार घुम्ने काम नगरौं’, उनले अगाडि भने, ‘यो रोगले कसैलाई पनि छाड्दैन, बालक, वृद्ध, जवान कसैलाई पनि छाड्दैन। संक्रमण भएपछि यसले कुन रुप लिन्छ सोच्‍न पनि सकिँदैन।’ कार्कीले सचेत हुँदा हुँदै पनि आफैं संक्रमणमा परेको स्मरण गरे।

‘मैले समयमा राम्रो उपचार नपाएको भए, उपचारका लागि काठमाडौंमा नआएको भए आज मेरो मृत्यु भएको १५/१८ दिन भइसकेको हुने थियो’, उनले भने, ‘मृत्युको मुखबाट बाँचेर आएको मान्छे हो म। डाक्टरहरुले कुनै दिन त मलाई माया मारिसकेका थिए। कुनै पनि ‘एंगल’मा यसलाई ‘अन्डर इस्टिमेट’ नगरौं।’ डाक्टर कार्कीले सकेसम्म कोरोना लाग्‍नै नदिन उपाय अपनाउनुपर्ने बताए। ‘रोग लाग्‍नुभन्दा लाग्‍नै नदिनु उत्तम हो।

संक्रमण भइसकेको बिरामीमा भोलि कस्तो असर पार्छ हामीलाई थाहा छैन’, उनले अगाडि थपे, ‘हामीले इमान्दारीपूर्वक सरकारका नियम पालना गरौं। कोरोनाबाट जोगिन पशुपतिको साँढे जस्तो भएर बस्‍ने हो वनकालीको बाँदर जस्तो उफ्रिने होइन।’ कार्कीले कोभिडले केही गर्दैन भनेर कसैले घमण्ड गर्न नहुने पनि चेतावनी दिए। ‘कोभिडले केही गर्दै भनेर कसैले घमण्ड नगरौं। एकचोटी रोग लाग्यो भने के के हुन्छ टुंगो हुँदैन’, उनले भने, ‘स्वास्थ्यकर्मीले अझै बढी तयारी गर्नुपर्छ।

हामी स्वास्थ्यकर्मी स्वस्थ रहेमा मात्रै समाज स्वस्थ रहन्छ। एकजना डाक्टरलाई हामीले गुमायौँ भने ठूलो क्षति हुन्छ।’ उनले कोरोना संक्रमितलाई हेर्ने नेपाली समाजको दृष्टिकोण राक्षसी रहेको बताए। ‘कोरोना लागेकालाई हेर्ने दृष्टिकोण राक्षसी प्रवृत्तिको छ। यो बाट कोही पनि अछुतो छैन’, उनले अगाडि थपे, ‘कृपया संवेदनशील बन्‍नुस्, मनोबल गिराउने, अन्याय हुने र हेप्‍ने काम नगरौं।’

पटक पटक संक्रमित र चिकित्सकहरूमाथि दुर्व्यवहार भइरहेकोमा उनले चित्त दुखाए। ‘गल्ती एकचोटी गरेकोलाई मानिन्छ। बारम्बार गल्ती दोहोर्याउँदा त्यो अपराध हो। अब त बुझ्‍नुस्’, उनले भने, ‘सहर बजारमा त यो विभेद छ भने गाउँमा कस्तो होला? भोलि गएर आत्मग्लानि नहोस्।’ अब कोरोनासँगै हिँड्नुको विकल्प नरहेको उनले बताए। कुनै पनि भाइरस एक पटक आइसकेपछि हत्तपत्त नजाने बताउँदै अब कोरोनासँग उठबसको विकल्प नरहेको उल्लेख गरे।

‘कोरोना आयो अब तिमी आयौ, हामी सँगै हिँडौँ भन्‍नुको विकल्प छैन। कोरोनासँग हामीले बाँच्‍न सिक्नुपर्छ’, उनले थपे, ‘भाइरस कहिल्यै पनि जाँदैन। मास्क लगाउने, हात धुने, सामाजिक दूरी बनाउने। यति गरेपछि हामीले हाम्रो दैनिक जीवनलाई सुरक्षासाथ चलायमान बनाउनुको विकल्प पनि छैन ।’

ताजा अपडेट

प्रचण्डको पहलमा बानेश्वरमा संसद विघटनविरुद्ध हस्ताक्षर संकलन

काठमाडौं । प्रधानमन्त्री केपी शर्मा ओलीले संसद विघटन गरेर मध्यावधि निर्वाचन घोषणा गरेपछि त्यस विरुद्ध सत्तारुढ नेपाल कम्युनिस्ट पार्टी (नेकपा)का सांसदहरूले संघीय संसद भवन...

बादल र बामदेव न ओलीतिर न प्रचण्डतिर

काठमाडौं । गृहमन्त्री रामबहादुर थापा ‘बादल’ले आफू विचार र राजनीति मिल्नेसँग सहकार्य गरेर अगाडि बढ्ने बताएका छन् । पुल्चोकमा आफूनिकट केन्द्रीय सदस्यहरुसंँको भेलामा बादलले यस्तो...

ओलीको पक्षमा देखिएका गृहमन्त्रीको पुल्चोकमा छुट्टै भेला

काठमाडौं । प्रधानमन्त्री समेत रहेका नेपाल कम्युनिष्ट पार्टी (नेकपा) का अध्यक्ष केपी शर्मा ओलीले आफू निकटका सांसदहरुलाई बालुवाटारमा बोलाएर छलफल गरिरहेका बेला ओली निकट...

सुरेन्द्र पाण्डेको नेतृत्वमा नेकपाका ८७ सांसद सर्वाेच्च जाँदै

काठमाडाैं । नेपाल कम्युनिस्ट पार्टी (नेकपा)का ८७ सांसदहरू सर्वाेच्च अदालत जाने भएका छन् । असंवैधानिक रुपमा आइतबार गरिएको संसद विघटनको निर्णय विरुद्ध उनीहरू सर्वाेच्चमा जाने...

वैशाखमा चुनाव हुनेवाला छैन : डा. भट्टराई

काठमाडौं । पूर्वप्रधानमन्त्री तथा जनता समाजवादी पार्टी (जसपा) का नेता डा. बाबुराम भट्टराईले आगामी वैशाखमा चुनाव नहुने दाबी गरेका छन् । प्रधानमन्त्री केपी शर्मा ओलीको...

ह्वात्तै बढ्याे सुनको मूल्य, कति पुग्याे हेर्नुहाेस

काठमाडौं । सोमबार सुनको मूल्य ९ सय रुपैंयाले बढेको छ । हिजो ९४ हजार ३ सय रुपैंयामा कारोबार भएको सुन आज ९ सय रुपैंयाले बढेर...

माओवादीसँगकाे एकता भंग गर्दै प्रधानमन्त्री ओली

काठमाडाैं । प्रधानमन्त्रीसमेत रहेका नेपाल कम्युनिस्ट पार्टी (नेकपा) अध्यक्ष केपी शर्मा ओलीले नेकपा (माओवादी केन्द्र) सँग भएकाे एकता भंग गर्ने भएका छन् । साेमबार बिहान...

ओलीको गतिविधिले पार्टी एकतालाई भत्काउन सक्दैन : प्रचण्ड

काठमाडौं । नेपाल कम्युनिस्ट पार्टी (नेकपा) का कार्यकारी अध्यक्ष पुष्पकमल दाहाल प्रचण्डले प्रधानमन्त्री केपी शर्मा ओलीको पार्टी विरोधी गतिविधिले एकतालाई भत्काउन नसक्ने बताएका छन्...

चर्चित

दीप बस्न्यात पुर्पक्षका लागि थुनामा राख्न विशेष अदालत

काठमाडौं । विशेष अदालतले अख्तियार दुरुपयोग अनुसन्धान आयोगका पूर्वप्रमुख आयुक्त दीप बस्न्यातलाई पुर्पक्ष थुनामा राख्न आदेश दिएको छ । विशेष अदालतका अध्यक्ष प्रेमराज कार्की, सदस्यहरु...

दुबईबाट नेपाल फर्किएका १०१ जना महिला मध्ये ९४ जना गर्भवती

काठमाडौँ| एक सय ४८ जना नेपाली बोकेर नेपाल एयरलाइन्सको आरए २२९२ नम्बरको न्यारोबोडी जहाज संयुक्त अरब एमिरेट्स यूएईबाट पहिलो चार्टड बिमान उडेको छ | यूएईबाट...