करिब २ सय ५१ किलो सुन बिक्री, कसले किन्यो दुई अर्बको सुन ?

कोभिड–१९ का कारण समग्र अर्थतन्त्र शिथिल भइरहँदा सुन बजार पनि अछूतो रहेन । अन्तर्राष्ट्रिय बजारमा भाउ बढिरहँदा यहाँ पनि दैनिक नयाँ–नयाँ रेकर्ड बनाइरह्यो । सुनको भाउ बढेर तोलामै एक लाख रुपैयाँ नाघेको थियो । भाउ अस्वाभाविक रूपमा बढेपछि बजार पनि सुनसान छ ।

सुन बजारमा किनमेल नभएको नेपाल सुनचाँदी व्यवसायी महासंघले जनाएको छ । बजार ठप्प हुँदा असार २ सम्म वाणिज्य बैंकसँग करिब ३ सय ४० किलो सुन थन्किएको थियो ।

सिद्धार्थ, नेपाल इन्भेस्टमेन्ट, मेगा, ग्लोबल आईएमई, सनराइज, सानिमा, सिभिल, प्रभु र सेन्चुरी बैंकले उक्त परिमाण रहेको जानकारी गराएको महासंघका निर्देशक राजेन्द्र तुलाधरले जनाए । तर साउनमा पुनः जानकारी माग्दा २ सय ५१ किलो सुन बिक्री भएको जानकारी पाएको उनले बताए । ‘जिल्लाबाट साथीले सोधपुछ गरेपछि बैंकसँग सम्पर्क गरेका थियौं । साउन २६ सम्ममा ८९ किलो मात्रै सुन बाँकी रहेको जानकारी पाएका छौं,’ उनले भने । यसअनुसार यस अवधिमा २ सय ५१ किलो सुन बिक्री भएको देखिन्छ । एक किलो सुनमा ८५ तोला ७ सय ३३ लाल हुन्छ । साउन १ मा प्रतितोला ९२ हजार ७ सय रुपैयाँमा कारोबार भएको सुन २३ मा तोलाको १ लाख ३ हजार ५ सय रुपैयाँ पुगेको थियो । २८ गते घटेर प्रतितोला ९५ हजार ४ सय रुपैयाँ पुगे पनि पुनः साउन ३० मा बढेर ९८ हजार ६ सय रुपैयाँ पुगेको महासंघका पूर्वअध्यक्ष तेजरत्न शाक्यले जानकारी दिए ।

प्रतितोला ९८ हजार रुपैयाँका दरले हिसाब गर्दा एक किलो सुनको मूल्य ९४ लाख रुपैयाँ पर्छ । यसअनुसार २ सय ५१ किलो सुनको मूल्य २ अर्ब १० करोड रुपैयाँ पर्ने देखिन्छ । करिब दुई/तीन हप्तामा साढे २ सय किलो सुन बिक्री हुनु अस्वाभाविक भएको उनको भनाइ छ । मूल्य बढ्न थालेपछि ठूला लगानीकर्ताले सुन होल्ड गर्न थालेको उनले बताए । ‘भाउ बढेपछि बजार ठप्प छ । गहना बिक्री भएकै छैन । तर बैंकबाट एक्कासि सुन उठेको देखिन्छ,’ पूर्वअध्यक्ष शाक्यले भने ।

नेपाल बैंकर्स संघका कार्यकारी निर्देशक अनिल शर्माले पनि बजार ठप्प हुँदा अस्वाभाविक रूपमा सुन बिक्री भएकोमा आश्चर्य माने । ‘साउन १ सम्म ३ सय २०/३० किलो सुन मौज्दात थियो । त्यसको दुई सातापछि करिब १ सय ८० किलो मात्रै बाँकी थियो,’ उनले भने, ‘बजारमा बिक्री भएको छैन भन्छन् । तर, बैंकबाट धमाधम उठेको देखिन्छ ।’

व्यापारीहरूले नै बैंकबाट सुन खरिद गरेको उनको दाबी छ । संघका अनुसार बैंकहरूले आयात गरेको १५ दिनसम्म दुई महासंघ (सुनचाँदी व्यवसायी महासंघ र रत्न तथा आभूषण महासंघ) को सिफारिसमा मात्रै सुन बिक्री हुन्छ । त्यसपछि महासंघको सिफारिस चाहिँदैन । बैंकहरूले सिधै व्यवसायीलाई बिक्री गर्न सक्छन् । बैंकले प्यान/भ्याट नम्बर भएका सुन व्यवसायीलाई मात्रै बिक्री गर्न पाउँछन् । वाणिज्य बैंकले मात्रै सुन आयात गर्न पाउँछन् । बिक्री नभएपछि ती बैंकहरूले फागुनबाटै आयात गरेका थिएनन् ।

०७६ पहिलो साता प्रतितोला सुन ७५ देखि ७७ हजार रुपैयाँसम्ममा कारोबार भएको थियो । सरकारले चैत ११ देखि लकडाउन घोषणा गर्‍यो । त्यसपछि महासंघले चैत १० देखि मूल्य तोकेन । चैत १० मा प्रतितोला ७७ हजार रुपैयाँ मूल्य थियो । महासंघले जेठ २५ मा पुनः मूल्य तोक्ने निर्णय गर्‍यो । नेपाली बजार खुलेलगत्तै मूल्य प्रतितोला ८७ हजार ४ सय रुपैयाँ पुग्यो । बजार खुले पनि बजार सुनसान नै थियो । मूल्य बढ्न थालेपछि बजार ठप्प भयो । तर बैंकबाट किलोका किलो सुन उठ्नु स्वाभाविक नभएको महासंघका अधिकारी बताउँछन् ।

‘सुनको गलत प्रयोग उचित होइन,’ शाक्यले भने, ‘गहना व्यवसायीकै हातमा परे/नपरेको विषयमा राष्ट्र बैंकमार्फत सुपरिवेक्षण गर्नु जरुरी छ । जाँच गर्नुपर्छ ।’ रत्न तथा आभूषण महासंघका अध्यक्ष रमेश महर्जनको भनाइ पनि उस्तै छ । प्रतितोला १ लाख पुग्दा थप बढ्ने आकलन गर्दै सामान्य कारोबार भए पनि २ सय ५१ किलो बिक्री अस्वाभाविक भएको उनले बताए । ‘विश्व अर्थतन्त्र र डलरका कारण भाउ अझै बढ्ने हल्ला भयो । गहना किनेर राख्न सक्नेले खरिद गरेको हुन सक्छ,’ उनले भने, ‘तर उक्त परिमाणमा उठ्नु स्वाभाविक होइन ।’

लगानीकर्ताहरूले सुनलाई सुरक्षित लगानीका रूपमा हेर्छन् । अन्तर्राष्ट्रिय बजारमा आर्थिक संकट र अस्थिरता हुँदा लगानीकर्ता सुनमा आकर्षित हुन्छन् । कोरोनाको भ्याक्सिन बजारमा आइनसकेकाले लगानीकर्ता सुनतर्फ केन्द्रित थिए । जसले गर्दा सुनको भाउ उच्च भएको थियो । रसियामा कोभिड भ्याक्सिन तयार भएका समाचार सार्वजनिक भएसँगै बुधबार अन्तर्राष्ट्रिय बजारमा मूल्य घटेको थियो । रुसले भ्याक्सिन बनाए पनि युरोपियन र अमेरिकी बजारले त्यसलाई नपत्याउँदा बजार पुनः बढ्न थालेको व्यवसायी बताउँछन् । कान्तिपुर दैनिकबाट

ताजा अपडेट

प्रचण्डको पहलमा बानेश्वरमा संसद विघटनविरुद्ध हस्ताक्षर संकलन

काठमाडौं । प्रधानमन्त्री केपी शर्मा ओलीले संसद विघटन गरेर मध्यावधि निर्वाचन घोषणा गरेपछि त्यस विरुद्ध सत्तारुढ नेपाल कम्युनिस्ट पार्टी (नेकपा)का सांसदहरूले संघीय संसद भवन...

बादल र बामदेव न ओलीतिर न प्रचण्डतिर

काठमाडौं । गृहमन्त्री रामबहादुर थापा ‘बादल’ले आफू विचार र राजनीति मिल्नेसँग सहकार्य गरेर अगाडि बढ्ने बताएका छन् । पुल्चोकमा आफूनिकट केन्द्रीय सदस्यहरुसंँको भेलामा बादलले यस्तो...

ओलीको पक्षमा देखिएका गृहमन्त्रीको पुल्चोकमा छुट्टै भेला

काठमाडौं । प्रधानमन्त्री समेत रहेका नेपाल कम्युनिष्ट पार्टी (नेकपा) का अध्यक्ष केपी शर्मा ओलीले आफू निकटका सांसदहरुलाई बालुवाटारमा बोलाएर छलफल गरिरहेका बेला ओली निकट...

सुरेन्द्र पाण्डेको नेतृत्वमा नेकपाका ८७ सांसद सर्वाेच्च जाँदै

काठमाडाैं । नेपाल कम्युनिस्ट पार्टी (नेकपा)का ८७ सांसदहरू सर्वाेच्च अदालत जाने भएका छन् । असंवैधानिक रुपमा आइतबार गरिएको संसद विघटनको निर्णय विरुद्ध उनीहरू सर्वाेच्चमा जाने...

वैशाखमा चुनाव हुनेवाला छैन : डा. भट्टराई

काठमाडौं । पूर्वप्रधानमन्त्री तथा जनता समाजवादी पार्टी (जसपा) का नेता डा. बाबुराम भट्टराईले आगामी वैशाखमा चुनाव नहुने दाबी गरेका छन् । प्रधानमन्त्री केपी शर्मा ओलीको...

ह्वात्तै बढ्याे सुनको मूल्य, कति पुग्याे हेर्नुहाेस

काठमाडौं । सोमबार सुनको मूल्य ९ सय रुपैंयाले बढेको छ । हिजो ९४ हजार ३ सय रुपैंयामा कारोबार भएको सुन आज ९ सय रुपैंयाले बढेर...

माओवादीसँगकाे एकता भंग गर्दै प्रधानमन्त्री ओली

काठमाडाैं । प्रधानमन्त्रीसमेत रहेका नेपाल कम्युनिस्ट पार्टी (नेकपा) अध्यक्ष केपी शर्मा ओलीले नेकपा (माओवादी केन्द्र) सँग भएकाे एकता भंग गर्ने भएका छन् । साेमबार बिहान...

ओलीको गतिविधिले पार्टी एकतालाई भत्काउन सक्दैन : प्रचण्ड

काठमाडौं । नेपाल कम्युनिस्ट पार्टी (नेकपा) का कार्यकारी अध्यक्ष पुष्पकमल दाहाल प्रचण्डले प्रधानमन्त्री केपी शर्मा ओलीको पार्टी विरोधी गतिविधिले एकतालाई भत्काउन नसक्ने बताएका छन्...

चर्चित

यी हुन्: घरमा दुई श्रीमति राखेर अर्काकी (तेस्रो) श्रीमति भगाउने सल्यानका वडाध्यक्ष

यसअघि दुईवटी श्रीमति बिहे गरेर घरमा राखेका वडाध्यक्षले अर्की श्रीमति पनि थपेर तीनवटी श्रीमति बनाएपछि छिमेकीहरुले आलोचना गरेका हुन् । उमेरले उनीहरु दुवैजना ५२...

कोरोनाबाट विश्वमा ४ लाख २३ हजार भन्दा बढीको मृत्यु

एजेन्सी । कोरोना भाइरस (कोभिड १९) बाट विश्वभर मृत्यु हुने व्यक्तिको संख्या ४ लाख २३ हजार ८८८ पुगेको छ । साथै यस संक्रमणबाट विश्वभर...

थप २५० जनामा कोरोना संक्रमण, संक्रमितकाे संख्या ४६ सय नाघ्याे

काठमाडौं । बिहीबार थप २ सय ५० जनामा कोरोना भाइरसको संक्रमण भएको छ । स्वास्थ्य तथा जनस‌ंख्या मन्त्रालयका अनुसार बिहीबारसम्म नेपालमा कोरोना संक्रमितको संख्या...

काेराेना कहर : विश्वभर मृत्यु हुनेको संख्या ४ लाख नाघ्यो

एजेन्सी । कोरोना भाइरसको संक्रमणबाट विश्वभर मृत्यु हुनेहरुको संख्या ४ लाख नाघेको छ । अमेरिकास्थित जन हप्किन्स विश्वविद्यालयका अनुसार विश्वभर संक्रमणबाट मर्नेको संख्या आइतबार...

भक्तपुरमा १ हजार क्षमताको होल्डिङ सेन्टर

भक्तपुर । विदेशबाट उद्धार गरी ल्याउने प्रदेश नं १ र २ का नागरिकलाई राख्न नेपाली सेनाले होल्डिङ सेन्टर तयार पारेको छ । सेन्टरमा स्वास्थ्यकर्मीको...

स्वास्थ्य सेवा विभागका महानिर्देशक श्रेष्ठ मन्त्रालय तानिए

काठमाडौं । स्वास्थ्य तथा जनसंख्या मन्त्रालयले स्वास्थ्य सेवा विभागका महानिर्देशक महेन्द्र श्रेष्ठ र व्यावस्थापन महाशाखाका निर्देशक भोगेन्द्र डोटेललाई मन्त्रालयमा तानेको छ । बिहीबार स्वास्थ्य मन्त्रालयले...

आज २० जेठ २०७७ मंगलवार को राशिफल

मेष (चु, चे, चो, ला, लि, लु, ले, लो, अ) वाक्चतुर्याईँले सङ्कल्प सिद्ध हुनेछ । वित्तिय संस्थाबाट सहयोग पाईनेछ । प्रेम सम्बन्ध कसिलो होला...

नगरपालिकाले निर्माण गर्याे महिलाका लागि छुट्टै क्वारेन्टिन

गुलरिया । बर्दियाको गुलरिया नगरपालिकामा महिलाको सङ्ख्या बढ्दै गएपछि तिनका लागि छुट्टै क्वारेन्टिन निर्माण भएको छ । गुलरिया –४ कोटही माध्यमिक विद्यालयमा ३० शय्या क्षमता...

प्रधानमन्त्री ओलीले संविधानको धज्जी उडाए, सबैतिरबाट प्रतिबाद गरौँ : बाबुराम भट्टराई

काठमाडौं । पूर्वप्रधानमन्त्री तथा जनता समाजवादी पार्टी नेपालका संघीय परिषद् अध्यक्ष डा. बाबुराम भट्टराईले प्रधानमन्त्री केपी शर्मा ओलीले संविधानको प्रावधानविपरित संसद् विघटनको प्रस्ताव गरेको...