रसुवागढी नाका एकतर्फी संचालन, आयातमा नेपालले चिनियाँ सर्त मान्नुपर्ने

काठमाडौं । ६ महिनासम्म बन्द नेपाल-चीन रसुवागढी नाका सोमबारबाट सञ्चालनमा आएको छ । कोरोना भाइरस संक्रमणका कारण बन्द नाका सञ्चालनमा आएको रसुवागढी भन्सारका प्रमुख पुण्यविक्रम खड्काले जानकारी दिए ।

दुई देशबीच व्यापार सुरु गर्ने सुरक्षा मापदण्डमा समझदारी जुटेपछि नाका खुल्ने निश्चित भएको थियो । बन्द भएको ६ महिना ८ दिनपछि नाकाबाट एकतर्फी व्यापार सुरु भएको खड्काले बताए । नेपालबाट हुने निकासी र मानवीय ओहोरदोहोर भने कोरोना संक्रमण कम हुँदै गएपछि खोल्ने अनौपचारिक सहमति बनेको छ ।

सोमबार चीनतर्फ लामो समयदेखि रोकिएको रेडिमेट गार्मेन्टहरू नेपाल भित्रिएको भन्सार कार्यालयले जनाएको छ । चिनियाँतर्फबाट मितेरी पुलमा सामान ल्याइदिएपछि औपचारिक रुपमा नाका सञ्चालनमा आएको रसुवागढी भन्सारका प्रमुख खड्काले जानकारी दिए ।

चिनियाँ पक्षको अवरोधका बाबजुद एकतर्फी मात्र नाका खोल्ने सहमति भएसँगै सोमबारदेखि रसुवागढी नाका संचालनमा आएको हाे ।

खड्काका अनुसार नेपाली र चिनियाँ पक्षबीच भएको पछिल्लो समझदारी अनुसार नेपालले माल सामान आयात गर्दा नेपालीहरु बोर्डरसम्म मात्र जान पाउँछन् । उता बोडर पारीसम्म चिनियाँ पक्षले नै सामान ल्याइदिने र यताबाट गएका कन्टेनरहरुले बोर्डरमा गएर लोड गरेर फर्किनुपर्ने सर्त राखिएको छ ।

त्यसमा पनि कन्टेनर लोड अनलोड तथा कामदारको व्यवस्था समेत चिनियाँ पक्षले नै गर्ने सहमति भएको खड्काको भनाइ छ ।

नेपाली र चिनियाँ पक्षबीच यस खालको सहमति भएसँगै आजै ४ वटा कन्टेनर लोड भइ नेपाल प्रवेश गरेको छ । तर यस अघि नेपाली कन्टेनरहरु चिनियाँ बोडर पारी झण्डै २४ किलोमिटर पर केरुङसम्म जान पाउथे ।

गत माग १५ गतेदेखि बन्द रहेको रसुवागढी नाका यसअघिसम्म स्वास्थ्य सुरक्षाका कारण देखाउँदै चिनियाँ पक्षले बन्द गर्दै आएको थियो । नेपाली पक्षबाट नाका खुलाउन बारम्बार प्रयास भएपनि चिनियाँ पक्ष राजी नहुँदा आजसम्म खुल्न सकेको थिएन । तर पछिल्लो पटक जेठ १३, २२ र २८ गतेको पत्र पश्चात पछि मात्र चिनियाँ पक्ष वार्तामा वस्न राजी भएको थियो । दुई पक्षको बार्ता पछि असार १० गतेदेखि नाका खोल्ने सहमती भएको थियो ।

ताजा अपडेट

प्रचण्डको पहलमा बानेश्वरमा संसद विघटनविरुद्ध हस्ताक्षर संकलन

काठमाडौं । प्रधानमन्त्री केपी शर्मा ओलीले संसद विघटन गरेर मध्यावधि निर्वाचन घोषणा गरेपछि त्यस विरुद्ध सत्तारुढ नेपाल कम्युनिस्ट पार्टी (नेकपा)का सांसदहरूले संघीय संसद भवन...

बादल र बामदेव न ओलीतिर न प्रचण्डतिर

काठमाडौं । गृहमन्त्री रामबहादुर थापा ‘बादल’ले आफू विचार र राजनीति मिल्नेसँग सहकार्य गरेर अगाडि बढ्ने बताएका छन् । पुल्चोकमा आफूनिकट केन्द्रीय सदस्यहरुसंँको भेलामा बादलले यस्तो...

ओलीको पक्षमा देखिएका गृहमन्त्रीको पुल्चोकमा छुट्टै भेला

काठमाडौं । प्रधानमन्त्री समेत रहेका नेपाल कम्युनिष्ट पार्टी (नेकपा) का अध्यक्ष केपी शर्मा ओलीले आफू निकटका सांसदहरुलाई बालुवाटारमा बोलाएर छलफल गरिरहेका बेला ओली निकट...

सुरेन्द्र पाण्डेको नेतृत्वमा नेकपाका ८७ सांसद सर्वाेच्च जाँदै

काठमाडाैं । नेपाल कम्युनिस्ट पार्टी (नेकपा)का ८७ सांसदहरू सर्वाेच्च अदालत जाने भएका छन् । असंवैधानिक रुपमा आइतबार गरिएको संसद विघटनको निर्णय विरुद्ध उनीहरू सर्वाेच्चमा जाने...

वैशाखमा चुनाव हुनेवाला छैन : डा. भट्टराई

काठमाडौं । पूर्वप्रधानमन्त्री तथा जनता समाजवादी पार्टी (जसपा) का नेता डा. बाबुराम भट्टराईले आगामी वैशाखमा चुनाव नहुने दाबी गरेका छन् । प्रधानमन्त्री केपी शर्मा ओलीको...

ह्वात्तै बढ्याे सुनको मूल्य, कति पुग्याे हेर्नुहाेस

काठमाडौं । सोमबार सुनको मूल्य ९ सय रुपैंयाले बढेको छ । हिजो ९४ हजार ३ सय रुपैंयामा कारोबार भएको सुन आज ९ सय रुपैंयाले बढेर...

माओवादीसँगकाे एकता भंग गर्दै प्रधानमन्त्री ओली

काठमाडाैं । प्रधानमन्त्रीसमेत रहेका नेपाल कम्युनिस्ट पार्टी (नेकपा) अध्यक्ष केपी शर्मा ओलीले नेकपा (माओवादी केन्द्र) सँग भएकाे एकता भंग गर्ने भएका छन् । साेमबार बिहान...

ओलीको गतिविधिले पार्टी एकतालाई भत्काउन सक्दैन : प्रचण्ड

काठमाडौं । नेपाल कम्युनिस्ट पार्टी (नेकपा) का कार्यकारी अध्यक्ष पुष्पकमल दाहाल प्रचण्डले प्रधानमन्त्री केपी शर्मा ओलीको पार्टी विरोधी गतिविधिले एकतालाई भत्काउन नसक्ने बताएका छन्...

चर्चित